Binasag na ni 2018 Miss Asia Pacific International Sharifa Akeel ang kanyang pananahimik sa kontrobersyang kinasasangkutan nito kaugnay ng umano’y pagkakaroon ng relasyon kay Maguindanao Representative Esmael ‘Toto’ Mangudadatu.

Si Akeel ay inakusahan ni Mylene Mangudadato, misis ng mambabatas na umano’y nakikipagmabutihan sa kanyang mister.

Sa isang facebook post, matapang ng sinagot ng beauty queen ang mga paratang sa kanya ng maybahay ni Mangudadatu.

Tinawag ng Beauty Queen si Mylene na Ms. Desperada at hinamon na sampahan na lamang siya ng kaso sa korte sa halip na siraan siya sa publiko at sa social media.

Nakiusap din si Sharifa na huwag gaminit ni Mylene ang kanilang relihiyon upang manira ng kapwa muslim.

Gumawa ng record si Sharifa sa mundo ng beauty pageant bilang unang Muslim beauty title holder sa Pilipinas na nakapag-uwi ng titulo at korona sa international pageant.