Nagbabala si Navotas Mayor Toby Tiangco na kakasuhan at ipakukulong ang mga magulang ng mga batang ilang beses mahuhuling lumalabag sa mga health protocol.

Sa isang Facebook post, nagpahayag si Tiangco ng pagkadismaya dahil marami na namang mga menor de edad na nahuhuling naglalaro o gumagala sa labas ng kanilang mga bahay, at lumalabag sa curfew.

“Tandaan na sa ikatlo o higit pang beses na nahuli ang mga batang ito, maaari ng kasuhan at makulong ang kanilang mga magulang,” pahayag ng alkalde.

Sa tala ng Navotas city government noong Martes, umabot na sa 4,369 ang kabuuang bilang ng COVID-19 cases sa lungsod, kung saan 490 ang active cases o hindi pa gumagaling sa sakit.

Nasa 3,756 naman ang gumaling habang 123 ang namatay dahil sa sakit, ayon sa Navotas city government.